08.10.2012, 17:02
Plaundscher let
Il sun zuond greiv dels sains palaisa,
Cha' l fraid fantasma involet ün frer;
A richa chesa, u a povra maisa,
Ün cher commember gnit dandet mancher!
La bara posa nella stüva; tschaintan
Intuorn medema ils afficts paraints;
Ün ferm crider a lur dolur consaintan;
Il dir nun odan dels amihs contschaints!
O scena trista, da dolur vestida,
Nun bast' il led d' ün cour da larmas plain?
Ad ingrandir nell' orma la ferida.
Glieud estr' a nus, in nossa chesa vain,
Commoss' in vista, tres dolur sincera?
Commoss, tres quaida d' na marenda rera!
Il sun zuond greiv dels sains palaisa,
Cha' l fraid fantasma involet ün frer;
A richa chesa, u a povra maisa,
Ün cher commember gnit dandet mancher!
La bara posa nella stüva; tschaintan
Intuorn medema ils afficts paraints;
Ün ferm crider a lur dolur consaintan;
Il dir nun odan dels amihs contschaints!
O scena trista, da dolur vestida,
Nun bast' il led d' ün cour da larmas plain?
Ad ingrandir nell' orma la ferida.
Glieud estr' a nus, in nossa chesa vain,
Commoss' in vista, tres dolur sincera?
Commoss, tres quaida d' na marenda rera!