Peider Lansel
1863 - 1943
Vallader
Salvain l'orma da nossa schlatta
............ "Ni Talians, ni tudais-chs,
............ Rumantschs vulains restar!
L'Engiadin' a la veglia, quel' es uossa
ida pürmass' as perder d'lönch innan -
schi's trattess be d'las glüms da saif, che dan!
il mal es cha bler oter, hoz, sdarlossa.
Dschain la vardà, cha tuot la cuolp' es nossa;
in laschand tour a l'ester suraman,
vainsa stumplà, s'po dir cun agen man,
a nos rumantsch propi sün l'ur d'la fossa.
Scha davaira "Rumantschs vulains restar!",
giuvens i vegls, chi ch'arma po portar,
nu stuvains mâ dar loc in la cumbatta
per mantegner nos pled. - Es quel schnejà,
lur' eir nos dret da viver es scrodà:
"I'l pled rumantsch, sta l'orma d'nossa schlatta!
1863 - 1943
Vallader
Salvain l'orma da nossa schlatta
............ "Ni Talians, ni tudais-chs,
............ Rumantschs vulains restar!
L'Engiadin' a la veglia, quel' es uossa
ida pürmass' as perder d'lönch innan -
schi's trattess be d'las glüms da saif, che dan!
il mal es cha bler oter, hoz, sdarlossa.
Dschain la vardà, cha tuot la cuolp' es nossa;
in laschand tour a l'ester suraman,
vainsa stumplà, s'po dir cun agen man,
a nos rumantsch propi sün l'ur d'la fossa.
Scha davaira "Rumantschs vulains restar!",
giuvens i vegls, chi ch'arma po portar,
nu stuvains mâ dar loc in la cumbatta
per mantegner nos pled. - Es quel schnejà,
lur' eir nos dret da viver es scrodà:
"I'l pled rumantsch, sta l'orma d'nossa schlatta!