10.10.2012, 09:30
Travers
Al empi Medeghin, chi ho sieu dramma
Cun spiert e bratsch eroic traverso?
Travers ouravaunt oters, quel amo,
Chi tredesch voutas eira nos Landamma.
Prudaint e sabi nel cossagl, mo flamma
Nel operer, inua ch'el füt clamo;
Veneziaun da saugn, mo retiso
Da noss vadrets cun frigeranta gramma.
Ün vegl, chî nun dormîva sün urbejas,
Abbain per merit e daner flatto
Dal minim tschop alla pü glischa franzla;
Mo ün guerrier d'angelicas idejas,
Chi, veziand sieu Gesu banduno,
Laschet la speda e muntet in chanzla.
Al empi Medeghin, chi ho sieu dramma
Cun spiert e bratsch eroic traverso?
Travers ouravaunt oters, quel amo,
Chi tredesch voutas eira nos Landamma.
Prudaint e sabi nel cossagl, mo flamma
Nel operer, inua ch'el füt clamo;
Veneziaun da saugn, mo retiso
Da noss vadrets cun frigeranta gramma.
Ün vegl, chî nun dormîva sün urbejas,
Abbain per merit e daner flatto
Dal minim tschop alla pü glischa franzla;
Mo ün guerrier d'angelicas idejas,
Chi, veziand sieu Gesu banduno,
Laschet la speda e muntet in chanzla.